صينية البطاطس الاقتصادية وأقراص البطاطس بالفرن
هنتكلم النهاردة عن طرق لعمل البطاطس. تعتبر البطاطس من أغني الخضراوات في قيمتها الحرارية نظر لاحتوائها علي نسبة مرتفعة من النشا والبروتين حيث تعطي الثمرة الواحدة من الحجم المتوسط حوالي ١٢٧.٥ سعر حراري..
ولذلك يطلق عليها الإنجليز ملكة الخضراوات... بينما تعتقد الممثلة العالمية جينا لولو بريجيدا أن سر جمالها يرجع إلي تناول البطاطس.
فوائد البطاطس:
ان كل مائة جرام من البطاطس (مايعادل ثمرة متوسطة) تحتوي علي 75 في الميه ماء، و20% نشويات، 2% بروتين ، 2% مواد شبه زلاليه ، 12 % أملاح معدنية. أهمها 0.7 مليجرام كالسيوم ،1.7 ملجم حديد ، 56 ملجم فوسفور، وقليل من البوتاسيوم.
وايضا قليل من فيتامن أ و ب1 و ب2 ولكن تحتوي علي نسبة كبيرة من فيتامن ج تصل الي حوالي 26 ملجم.
فالنهاردة هتكلم معاكوا عن طريقة عمل صينية البطاطس الاقتصادية وكمان اقراص البطاطس بالفرن...
يلااا بينا نبدا وصفتنا علي بركه الله ....
صينية البطاطس الاقتصادية:
المقادير :
*كيلو بطاطس
*٢ بصلة كبيرة
*ربع كيلو بازلاء (بسلة)
*٢ جزر أصفر
*٢ بيضة
*ملح وفلفل وقليل من البقسماط وزيت او سمن.
صينية بطاطس قرديحي :
طريقة عمل صينية بطاطس سادة:
*تسلق البطاطس وتقشر ثم تهرس جيدا وتعجن بالبيض وتتبل بالملح والفلفل.
*تغسل الخضراوات وتنظف وتقطع وتسلق في الماء.
*يقطع البصل الي قطع صغيرة ويحمر في الزيت أو السمن ثم تضاف إليه الخضراوات وتملح.
*تطلي الصينية بالزيت وترش بقليل من البقسماط ليوضع بها نصف المقدار من البطاطس المهروسة ثم تضاف إليه الخضراوات مع البصل وتغطي بباقي كمية البطاطس.
*يرش وجه الصينية بقليل من البقسماط وتدخل الفرن متوسط الحرارة حتي تنضج ويحمر لونها.
تاني وصفة معانا النهاردة هي أقراص البطاطس بالفرن :
المقادير :
*كيلو بطاطس
*نصف كيلو بازلاء مسلوقة
*ربع كيلو لحمة مفرومة
*٣ بصلة كبيرة
*٣ بيضات
*ملح وفلفل وقليل من الزيت أو السمن
طريقة عمل صينية البطاطس باللحمة المفرومة والبسلة؛
* تسلق البطاطس وتقشر بعد السلق وتهرس جيدا.
*تضاف بيضتان الي البطاطس المهروسة ونضيف قليل من الملح وتعجن.
*يقطع البصل قطعا صغيرة ويحمر في الزيت وبعد كده نضيف اللحم ونقلب وبعد كده نضيف الملح والفلفل والماء وبعد كده نسيبه علي النار لحد ما يستوي وبعد كده نرفعه من علي النار ويترك حتي يبرد قليلا.
* تشكل عجينة البطاس علي هيئة أقراص مستديرة وترص في صينية مدهونة بالزيت.
*تخلط البازلاء المسلوقة مع البيضة اللي فاضله والعصاج ثم يوزع الخليط بالملعقة فوق اقراص البطاطس.
* تدخل الصينية فرن متوسط في درجة الحرارة.
ديه كده كانت وصفاتنا النهارده اتعلمنا طريقتين لعمل البطاطس وطبعا فيه وصفات كتيرة للبطاطس ولكن هنكتفي بالوصفتين دول النهاردة عشان مطولش عليكوا.
تعليقات: 0
إرسال تعليق